Litlar vindtúrbínur og samtvinnaðar grænar orkulausnir

IceWind hannar og framleiðir litlar vindtúrbínur fyrir fjarskiptamöstur, heimili, sumarhús og bóndabæi. Fyrirtækið var stofnað árið 2012 en vöruþróunin á sér lengri sögu, eða frá árinu 2008. Með vaxandi orkuverði kemur aukin þörf fyrir endurnýjanlega orkugjafa og hefur tæknin í IceWind túrbínunum sem snúast um lóðréttan ás verið hönnuð til að mæta þessari þörf. Þessi útfærsla sannar að túrbínur geta verið fáguð, hljóðlát, sterkbyggð, hagstæð og nær viðhaldsfrí lausn til að framleiða orku.

IceWind útvegar uppsetningar og viðhald á IceWind vindtúrbínum og tengdum búnaði líkt og rafhlöðumælingar, sólarsellur og eftirlitsbúnað. IceWind er einnig umboðsaðili fyrir IC-Meter sem er sérhæft í loftgæða- og orkuvöktun.

IceWind er skrásett vörumerki með alþjóðlega hönnunarvernd.

Fylgstu með á Facebook

help-img-1

Áreiðanleiki, Skilvirkni, Frumleiki

  • IceWind beitir sér fyrir því að bjóða upp á áreiðanlegar lausnir og þjónustu með því að beita skilvirkum verkferlum og hugsa út fyrir kassann.
  • Markmið IceWind er að fjölga endurnýjanlegum orkugjöfum á svæðum sem búa við öfgafullt veðurfar þar sem hefðbundnar grænar orkulausnir duga ekki til.
  • Framtíðarsýn IceWind er að vera leiðandi í endurnýjanlegum orkugjöfum fyrir fjarskiptamarkað í Evrópu og N-Ameríku.